المساعد الشخصي الرقمي

مشاهدة النسخة كاملة : يـكـفي انــي شــجاع

memo
06-09-2008, 10:21 PM
من بغـى الفرقى له عذر واسباب ودليــــل...
خل عنك العذر والاسباب دام الحب ضـــــاع...

كان ودك بالفراق ابشر عسى عمرك طويــل...
لا تردد وانت لك كلمه وامر(ن) مطـــــــــــاع...

لي عليك انك تبت بكلمة(ن)تشفي الغليــــل...
ولك علي اني لأوقف وقفت الرجل الشجــاع...

لا تجاملني مخافه قال مدري خوف قيـــــل ...
عمر هرج الناس مايسمن ولا يغني جــــــياع..

كان قصدك سر حبك اوعدك لأصبح بخيــــل...
واحمل اسرارك معي للموت قدر المستطـــاع...

بس قلها قل ما احبك وابشر بصبر(ن) جميـل ...
لا تحسبني مثل من طبعهم لوي الـــــــذراع ...

صاحبك ماهو كذا يا صاحب القد النحيـــــل..
صاحبك طبعه غريب وغربته غربه الطبـــاع...

في الهوى ما يقبل الحل الوسط ولا القليـل...
مثل ماهو لا شرى يشري وليا من باع باع ...

ثابت لو هي تميل الارض تحته ما يميــــــل...
يدري ان الفقر ماهو عيب والدنيا متــــاع...

ما عشق لذة حياته كثر عشق المستحــــيل...
ولا كره حتى مماته كثر كره الانصيــــاع...




وكم تعلم من غروب الشمس وش معنى الــوداع...
وكم تعلم من سحاب الصيف وش معنى الحصيل ...
وكم تعلم من ليالي البرد وش معنى الضيـــــاع...


ايه انا هذا طريقي موحش..وصعب..وطويـــــل...
وانت لا منك تعبت العالم فجوجه وســــــــاع...

اعتبرني في بدايه سكتك عابر ســــــبيــــل ...
ورح وانا وقلبي معك من وين ما وجهت الشراع...

يكفي اني لا ذكرت في سالفه عشاق قـيـــل...


عاشر احبابه شجاع ... وفارق احبابه شجاع




وسلامتكم




مــــيــــمـــــو
:icon31:
أوتـ·°·..·°·ــار العشـ·°·..·°·ـق
06-10-2008, 01:32 AM
صح لساانك

اخوي MEMO
kaka 22
06-11-2008, 12:34 AM
تسلم على الموضوع

و صح لسانك

تحياتي


تقبل مروري
memo
06-12-2008, 02:56 PM
يسلموو عشق على مرورك الاكثر من الرائع

وصح بدنك

ميمو
شمــوخے آنســآنے
06-28-2008, 03:44 AM
صح لسانك وتسلم


ربي يعطيك العافيه

في انتظار جديدكـ ...

دمت بخير ...؟